河智苑取消一切《追捕》宣傳　專心打點細佬田汰遂明日出殯事宜

河智苑原定近日喺韓國宣傳主演的電影《追捕》。（網上圖片）

尋晚（21號）河智苑細佬田汰遂傳出離世消息，今日本來有電影《追捕》宣傳活動嘅河智苑都因此取消該行程，還有原定24日進行嘅採訪行程都一拼取消。

河智苑（本名：田海林）細佬田汰遂於今日入棺，明天出殯，河智苑就跟母親、姊姊以及姊夫作為喪主，在靈堂打點以及送別田汰遂。（網上圖片）

據知河智苑得知細佬田汰遂想加入娛樂圈做演員時，曾經極力反對，因為擔心田汰遂心靈受創，唔想細佬過得咁辛苦。但最終河智苑嘅擔心都一一發生，好似田汰遂早年患上抑鬱、他又生活喺姊姊嘅光芒之下，擺脫唔到「河智苑細佬」嘅標籤，最終於尋晚離開人世。