【年廿八】Nic哥唐文龍話你知拖地有秘技　用漂白水前先要做呢樣

昨天唐文龍就教大家應該點樣將垃圾分類，分完就一定搞到屋企好多塵，呢個時候一定要用地拖抹下個地，咁先夠乾淨㗎嘛。而佢今日就用1:99稀釋家用漂白水，幫我地嘅office抹下地，馬上去片！！你睇下佢強而有力嘅手臂~~相信大家都好想擁有好似唐文龍咁大隻嘅身型，之後年初三至六，佢就會教大家做運動！記得要留意呀！

相關文章：

Nic哥唐文龍爆住肌教你分類大法　充電線應該放落邊個回收箱？

使用稀釋漂白水步驟

P.S 抹嘢之前首先確保屋企係開窗，等空氣流通！

1）1比99嘅份量，方法就係，將10毫升漂白水加入990毫升清水內。

2）避免喺金屬、羊毛、尼龍、絲綢、染色布料同油漆表面使用

3）最好就帶埋口罩同膠手套，以防萬一彈到對眼

4）切勿觸摸眼睛。如果唔小心漂白水彈入眼，要立即用清水沖洗最少15分鐘，然後盡快求診

5）最後用梘液洗手，用清潔的毛巾或用完即棄的紙巾抹乾雙手

6）經稀釋的漂白水，存放時間越長，分解量越多，殺菌能力便會降低，所以最好係24小時內用完