冬奧運動員多韓星朋友　請夏集郵Super Junior東海：弟弟我愛你！

2018平昌冬季奧運會於上星期五正式開幕，除咗有靚女崔多彬接韓國冰上女王金妍兒棒之外，韓國其實仲有好多靚仔靚女運動選手㗎，而且呢班運動員仲有唔少當紅韓星力撐添！

2月11日韓國男子短道競速滑冰隊代表任孝俊（音譯），為韓國奪得首枚平昌冬奧男子短道競速滑冰1,500米金牌！1996年出生嘅任孝俊今年先22歲，1,500米競速滑冰世界排名為第4位，1,000米世界排名為第6位，今次喺《2018平昌冬季奧運會》奪得短道競速滑冰1,500米金牌，個人世界排名有望再有提升！

雖然任孝俊嘅個人Instagram未見有更新同韓星合照，但佢就有同韓國總統文在寅合照。其中有一張相就見到任孝俊好chok咁擺pose，好似係studio到影緊雜誌相一樣。不過任孝俊就自嘲「扮型失敗，好彩揀咗去做運動」！

而任孝俊嘅隊友黃大憲（音譯）就真係平昌冬奧小鮮肉喇！1999年出生嘅黃大憲只係得19歲，雖然啱啱先在韓國成年，但2017年開始佢已經分別獲得男子短道競速滑冰世界賽的1,500米金牌、1,000米銀牌以及5,000米金牌。黃大憲的1,500米世界排名更係第1位，1,000米世界排名則是第2位，驕人成績令人不能忽視！黃大憲早前更獲《FIRST BRAND AWARDS 2018》邀請出席頒獎禮，佢更同I.O.I前成員請夏、Secret成員全烋星、韓國rapper DinDin合照！期待黃大憲喺《2018平昌冬季奧運會》有更好個人成績！

另一名韓國Mogul Skiing（雪上技巧）代表崔在佑（音譯）亦非常厲害！崔在佑原來同韓國男團Super Junior東海非常熟絡，SJ日前先喺香港舉行完世界巡迴演唱會《Super Show 7》，但當晚急急回國嘅Super Junior都好關心《2018平昌冬季奧運會》。當中Super Junior東海更喺個人Instagram公開支持崔在佑，仲寫下「睇到Mogul Skiing嘅未來好感動！我愛你我嘅弟弟！You are the best！」睇嚟做運動員都係其中一個可以同韓星親近嘅方法呢！

2018冬季奧運南北韓女子冰球球員傳聖火　冰上女王金妍兒接棒燃點

下載《香港01》App，更多韓星靚相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/