【無間道】廖碧兒無懼單身情人節 最開心睇其他情侶
撰文：張嘉敏
出版：更新：
廖碧兒 (Bernice) 出席劇集《無間道》宣傳活動時，提到早前她於加拿大拍攝的外語電影《Stegman Is Dead》，在戲中飾演女殺手的她要在零下40度的寒冷氣溫下穿着熱褲上陣，還有大量動作場面，都咪話唔辛苦。不過Bernice覺得做打女並不算辛苦，最難頂是嚴寒的天氣，她說：「我本身有跳舞同打嘅底子，但係喺零下40度拍攝真係要做好多warm up，要着住高踭鞋喺有積雪嘅斜坡行係好危險，我啲鼻水都凍到結咗冰，咁凍又唔可以貼暖包，會燒傷皮膚，全部實境拍攝，今次係我的拍戲以嚟最凍嘅一次。」
廖碧兒話唔心急拍拖。（梁碧玲攝）
提到明天就是情人節，今年是已單身多年的Bernice第幾個單身情人節呢？她說：「咁我又無數住喎，都唔心急要拍拖，因為呢啲嘢無得急，一定要遇啱先得。就算一個人過情人節都唔會覺得lonely，我爹地媽咪都好support我，從來都無話催我拍拖結婚。」Bernice坦言現時身邊都有追求者，也有約會食飯：「都有啲有potential發展嘅，但真係需要時間去認識耐啲，了解多啲先。」
Bernice今年情人節同其他情侶一齊慶祝。（梁碧玲攝）
雖然Bernice沒有男朋友，但她今年情人節已安排好節目：「有好多情人同我一齊度過呀，因為有間餐廳搵我合作，情人節晚餐訂咗我出品嗰隻玫瑰酒，呢隻酒係我BB嚟，我好開心呀，可以見到其他情侶有幾浪漫幾sweet，我都好戥佢哋開心，絕對唔會覺得自己單身好慘囉。」自從在法國買了一幅酒地釀製白酒、紅酒以及玫瑰酒，至今已有10年：「我有朋友幫手打理，都係生產好少量，主要釀畀自己同埋做慈善。」
+3
Bernice在法國有一幅酒地，至今已經10年了。（梁碧玲攝）
Bernice話喺零下40度拍戲凍到鼻水都結冰。（梁碧玲攝）