【父女戀】唐文龍暗拖黃文意 十億富家女：係開心愉快嘅
撰文：冼燕珊
出版：更新：
48歲唐文龍被爆與25歲TVB藝人黃文意(Mandy)譜出父女戀，除了被拍到二人同行尖沙咀共進晚餐，被指11月17日唐文龍生日當天，與Mandy同遊大嶼山，而Mandy亦唔小心將兩人的合照PO上IG，洩露戀情。
+3
前娛樂主播黃文意曾與唐文龍被爆譜出父女戀。(IG/@mandy_beanie)
唐文龍曾經被誤會是基民，佢因此澄清自己的性取向，仲開出擇偶條件：「我鍾意身材好，白雪雪同埋後生囉。」咦，似乎Mandy好似有中晒呢啲條件。我哋就事件電話訪問唐文龍同Mandy，男方回應話Mandy係一個好好嘅女仔，但就否認戀情：「我哋係正常朋友，嗰日只係咁啱約埋食飯，就被大家影到。」問到Mandy嘅條件同佢喜歡的女生不謀而合，佢就話：「咁我依家唔係擇緊偶，我現階段都係以工作為重。」
唐文龍否認戀情並指與黃文意只是正常朋友。(IG/@michaeltongmanlung)
+4
而Mandy嘅回應就大讚唐文龍好仔：「大家識咗半年左右，都有出過街，了解過後知道佢係一個心地好好嘅人，為人好慷慨，而且熱心助人，所以我間唔中都有請教佢工作。」有關二人現時的關係，唐文龍就話係正常朋友，不過Mandy嘅回應卻可圈可點：「呢段時間係開心愉快嘅，但佢係一個男神，我只係一個剛起步嘅藝人，現階段以事業為重，感情方面、私人生活亦唔想講太多。」
但黃文意大讚唐文龍係男神。(IG/@mandy_beanie)