【大埔公路翻九巴】女友接出院吃團年飯 馬迷毋懼陰影初三馬照跑
即將踏入新年，上周六（10日）大埔公路的嚴重車禍中，有27名傷者仍然留醫，其中一名傷者黃先生，趕及於新年前出院團年，他現時面上及眼仍有清晰可見的傷痕，「大吉利是講句，冇骨折已經好好」，但表示會繼續出席大年初三新年賽馬日，「會照去！走都好大機會搭番呢架（巴士）」。
42歲的黃先生有幸於今日出院，其弟駕車前往威爾斯親王醫院接送，女友亦特意前來接送院。黃先生在葵涌區處理船務工作，當同事得悉他發生意外後，紛紛到醫院探望他，惟暫時未知何時才能復工，「依家返去喺大埔洗傷口」。黃先生指，截至今日收到九巴8萬慰問金、馬會20萬慰問金及來自多間社福機構的5萬元慰問金，共33萬元，以解燃眉之急。
左耳背部受傷 憶當時涉事九巴「轉得好快」
左耳縫針的黃先生表示，事發時他坐在涉事巴士上層左排尾二近走廊的位置，幸大難不死，現時面上及眼仍有清晰可見的傷痕，「主要係背脊（痛），好似俾人打咗幾槌咁，好似洗衣機咁搖，大吉利是講句，冇骨折已經好好」，他指當時司機因「行開咗」致遲了開車，惟他沒有聽到乘客與司機爭吵，亦已忘記自己當時是否入睡，只記得事發一刻車速甚快，「架車轉得好快，喺迴旋處西（轉彎）埋去護土牆度，當時唯有攬實個袋」。至翻側一刻，黃已當場暈倒，「到我醒番時，已經俾St. John啲人拉咗去路邊包紮同影相，我一落地，一摸（頭部）已經一手血」。
上車前曾猶豫 促九巴改熟手司機駕駛該路線
黃先生憶述，當時曾猶豫過是否上車，「臨上車前驚驚地，嗰度有車去荃灣、旺角同佐敦，有諗過不如唔好番屋企，去玩陣先」，惟最後一刻仍搭上該架「亡命872」。被問及是否有說話跟涉事司機說，黃先生淡然道：「冇呀，唔好咁勞氣啦。」他促請九巴能改以熟手司機駕駛該條路線，「一星期得一日跑馬，呢啲都唔搵個熟嘅嚟揸」。
不會避搭872線九巴
周日（18日）是大年初三，馬會按傳統舉行農曆新年賽馬日，逃過大難的黃先生，表示會繼續出席，「會照去！走都好大機會搭番呢架（872線九巴），唔使人陪，撞口撞面都係呢班大埔街坊，都係嗰班阿叔」，他指已乘搭該班九巴多年，又指改乘火車並不方便他回家，故不會為此避忌。
年三十晚，最重要是一家團圓，黃先生能趕及跟家人吃團年飯，實屬幸運，他笑言沒有什麼特別食物想吃，「食咩無乜所謂，（這次意外）嚇一嚇囉，屋企人應該都會劏雞還神」。
