《和遊記》今晚李昇基吳漣序上映激情床戲 究竟係阿斯女定係三藏

撰文:沈洛嘉
出版:更新:
究竟李勝昇、吳漣序邊個做主動先㗎?(網上圖片)

tvN韓劇《和遊記》由李勝昇、吳漣序、車勝元、FT Island成員李洪基等人主演,雖然今晚有得睇新一集,不過話咁快就已經得返6集咋!雖然李勝昇同吳漣序成日鬧不和,不過就好快好返,但劇迷一定就好想知究竟相愛相殺命運嘅佢哋結局會點呢?仲有牛魔王車勝元會唔會成仙,SISTAR前成員寶拉又會唔會帶大家參觀龍宮呢?

李勝昇搵到呢位着住古裝嘅吳漣序又係唔係真嘅三藏先?(網上圖片)

唔講咁遠講返今晚播出嘅第15集《和遊記》先,今日《和遊記》劇組就已經率先公開咗劇照畀劇迷止一止癮先!但呢組劇照真係睇到人「紅都面晒」,事關今晚李勝昇同吳漣序將會上演激情「床戲」,究竟係三藏吳漣序先引誘李昇基定係李昇基忍唔住要對吳漣序飛擒大咬呢?不過大家唔好唔記得,近幾集喺《和遊記》入面,阿斯女李世榮一直想取代吳漣序得到李昇基而假扮吳漣序,究竟同李昇基拍「床戲」嘅係李世榮定係吳漣序呢?

仲有李昇基發現冬將軍成赫幫阿斯女偷走香爐之後佢好嬲啊!(網上圖片)

更多圖片

+1

《和遊記》李昇基收到《尹食堂》李瑞鎮應援 原來悟空係專務忠粉

下載《香港01》App,更多韓星靚相、影片率先睇!

http://bit.ly/HK01_App

我哋01韓迷嘅facebook專頁Kpop 01已經開咗喇!想知道更多韓國娛樂、飲食、玩樂、時尚資訊,快啲去畀like啦:https://www.facebook.com/hk01.kpop/