《和遊記》結局篇李昇基斬龍未成滿面血 吳漣序救世變噴血？
撰文：沈洛嘉
出版：更新：
李昇基同吳漣序暫時喺《和遊記》都仲係好sweet！（網上圖片）
韓國tvN人氣電視劇《和遊記》由李昇基、吳漣序、車勝元、FTlsland主唱李洪基等人主演，去到今個星期《和遊記》已經踏入結局週，星期六、日播埋最後兩集就會播出由《Running Man》成員李光洙同《屍殺列車》鄭有美主演嘅警察題材新電視劇《Live》。
希望李昇基冇生命危險同吳漣序可以喺《和遊記》有happy ending啦！（網上圖片）
《和遊記》上集講到車勝元已經知道自己個仔冇死，而李昇基同吳漣序千絲萬縷嘅感情線都漸見起色，本來相信都可以有happy ending！之不過《和遊記》大結局前席，李昇基都要先解決李世榮（飾阿斯女）同宋鍾鎬（飾姜大成）召喚「神龍」一事，可惜此龍被李昇基發現並唔係咩神龍，而係由惡鬼整成嘅黑龍，至於所謂成為世界嘅王，亦只係將世界毀滅！當然，身為孫悟空嘅李昇基一定要出手阻止啦！意想不到係李昇基喺《和遊記》最新預告中竟弄得滿面血痕，未知佢會唔會因為對抗黑龍而有生命危險呢？
吳漣序拎咗把刀準備割腕放血救世，卻突然噴血！唔通真正有生命危險個嗰其實係吳漣序？（影片截圖圖）
+21
而心懷善意、心繫世人嘅三藏吳漣序就趕到李世榮召喚黑龍嘅地方，務求阻止呢場浩劫！喺最新《和遊記》預告中就見到吳漣序拎住把刀準備割腕，睇嚟阻擋浩劫又需要用到吳漣序嘅血。之不過鏡頭一轉，竟然見到吳漣序口中噴血！唔通真正有生命危險其實係吳漣序？想知李昇基同吳漣序有冇事，就要死守今個星期《和遊記》大結局喇！
《和遊記》第19集預告：
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/