陳康健赤柱曬住玩Busking 感激側田Po片：等人知我仲努力緊
撰文：陳栢宇
出版：更新：
側田半夜喺自己Facebook貼咗條片，片裡面佢就喺赤柱街頭度睇到一個街頭歌手玩Busking唱自己嘅《三十日》，仲忍唔住行埋去唱兩咀添！而原來呢個街頭歌手嘅真正身份係《超級巨聲》出身嘅陳康健，好多人知道真相後忍唔住大讚佢歌藝拍得住側田，兩個人一齊Jam成件事好療癒、好感動人心咁。
陳康健赤柱玩Busking唱側田名曲 原唱都忍唔住畀Like Jam兩咀
陳康健喺赤柱Busking唱側田名曲《三十日》，側田讚好聽之餘仲行埋去唱咗半首，之後拍咗片嘅側田仲將呢個Jam歌過程放上網。
陳康健接受《香港01》訪問時，就話當初真係完全冇諗過側田會睇自己表演：「我唱前一隻歌時，佢已經行咗出嚟打賞我，之後就唔知佢走咗未，但都好想Respect返佢唱一句佢嘅歌，點知佢就打手勢問可唔可以出嚟，所以我唱咗半隻後佢就出嚟唱半隻，成件事好正。佢貼條片出嚟幫咗我好多，起碼有人知我仲努力緊，好感激佢。」
原來陳康健喺唱《三十日》之前，側田已經企喺度駐足觀賞，仲已經畀咗打賞陳康健。
講到陳康健依家逢親星期六下晝12點至3點左右，都會喺赤柱Busking時，佢就話其實都真係有唔少人睇：「大約50、60人左右啦，但嗰個位比較曬，所以佢哋都係比較遠少少、有遮蔭嘅地方睇。有人唔認得我，亦有啲人認得我個樣，唔記得我個名咁，但做到自己鍾意做嘅嘢，但同時又維持到生活，都已經好開心。」
陳康健話每次Busking都有大約50至60人喺附近睇，當中都有唔少人好慷慨畀打賞。
陳康健就話自己好感激每一個肯駐足觀賞嘅觀眾：「因為赤柱都唔近架，好多人都住得好遠特登入嚟。」至於平時Busking會唔會遇到啲咩問題、困難，佢就話搵一個適合嘅位唱歌係有難度：「其實只要收到投訴，你就冇得喺度Busking，而收到人投訴其實好易，依喺赤柱唱比較少呢個情況。」
陳康健話喺香港Busking唔係易事，好容易收到投訴，所以要揀一個適合嘅時間、地點。
其實之前陳康健都成日喺TVB嘅劇集亮相，但最近真係少咗好多，佢就話因為自己患咗一個比較罕見嘅病先會咁樣，詳情喺另一篇文再講：
+14