唐詩詠首演醫生感興奮 馬國明自覺最型係打結
撰文：鄺鈺瑩
出版：更新：
唐詩詠入行多年做過無數角色，不過原來她一直未曾演過醫生角色，最近難得有機會在新劇《白色強人》做急症室醫生。呢日她出席新劇拜神儀式時，頻頻指感覺新鮮「我做過律師、警察、救護員，今次終於做到醫生，而且係急診室，比較要咩都識，所以每次入廠都會學唔同嘅嘢，前日連插喉都試埋。」不過全劇最有難度的，唐詩詠認為是安撫病人情緒，她會不時問真正的醫生該怎麼表達更好？「佢哋真係EQ好高，不但要處理病人情緒，自由情緒也要好好管理。我有時都會問佢哋放工後會點減壓？」
唐詩詠於劇中係馬國的前妻。（黃國立攝）
馬國明雖然曾在《On Call 36小時》飾演醫生，但他指與《白》有所不同，馬明又指拍攝該劇後，更會體諒醫護人員的辛酸。「試過有波友受傷入急診室，都等咗5個小時，算快架啦！所以大家都要體諒啦！香港醫療體制本身有好多問題，床位又唔夠。」提到劇中有不少血淋淋場面，馬明表示一點都不怕，更表示覺得好型。「做手術打結，用鉗去完成呢件事優雅得來有真係型架喎！我有在《On Call》試過，但到依家都未好流暢咁完成，要逐個逐個結咁去打，呢啲真係呃唔到人。」
唐詩詠因急診室醫生一角而學會不少醫療知識。（黃國立攝）
馬明話感到醫護人員的壓力。（黃國立攝）
+1