【早霸王】遇女版「阿希事件」 森美小儀今次反應係點?

撰文:冼燕珊
出版:更新:

每逢星期五,又到《早霸王》「你知道唔知道有人掛住你」環節,經常因而發掘出不少令人驚奇的愛情故事,當中最出名就是男男戀的「阿希事件」,今個星期,終於迎來一個女版「阿希事件」。

今期《早霸王》「你知道唔知道有人掛住你」環節,有女版「阿希事件」。

今次的女主角阿彭,想向一個失聯兩年的朋友阿Sam 「Say Sorry」,在森美小儀的追問下,她才承認曾經在中學時與對方拍過幾年拖。至於何解會突然失聯,阿彭自己也表示不清楚實際的原因,推測可能是因為自己「脾氣不好、經常遲到、亂使錢、買無聊嘢,以及唔上進」,當時仍未知阿彭所指的舊情人是女仔的森美,說怕女人太上進,同時爆出金句「女人講上進係唔要愛情,男人講上進就係為咗愛情」。

森美又爆金句:女人唔使太上進。

阿彭說與阿Sam失聯兩年,用盡方法聯絡對方都被拒諸門外,只能從對方的家姐細妹的Facebook 上了解對方近況。第一次接通電話,對方語帶一點怒氣說:「打錯!」然後馬上收線。可能有「阿希事件」打底,今次森美小儀聽到對方是女聲,都表現得好冷靜。之後打多兩次都對方都直接收線,森美小儀表示可能因為阿Sam正在收聽《早霸王》,絲毫不給任何機會阿彭聯絡。最後森美叫阿彭即場分享她的心裏話,阿彭說:「我好希望可以面對面同你講,我知自己脾氣同態度不好,但我哋認識咗咁多年,唔希望因為呢啲事情而令到我哋唔再出現喺對方嘅生活之中,希望我哋可以好耐好耐之後都仲有大家。」希望阿彭同阿Sam早日冰釋前嫌吧!

希望阿彭同阿Sam 可以做返好朋友啦~
+7