【延禧攻略】張嘉倪獲佘詩曼親手梳頭曬姊妹情 網民：唔係咩好事
撰文：張嘉敏
出版：更新：
阿佘所演嘅嫻妃最憎人同佢爭寵。
大陸劇《延禧攻略》除了掀起了一股追劇熱潮，就連劇中的多個角色都大受歡迎，令多位演員的人氣急升，其中一位就是飾演嫻妃的佘詩曼，以及飾演順嬪的張嘉倪。阿佘演反派慢慢黑化的演技更是備受讚賞。
張嘉倪飾演嘅順嬪一度最得乾隆寵愛。
呢日張嘉倪就於她的微博上載了幾張阿佘為她梳頭的靚相，並留言表示：「今天的頭髮是紫禁城髮型總監嫻妃娘娘（輝發那拉氏）給做的！愛你姐！」而相中的阿佘仲擺出一副陰險的表情，就似是嫻妃上身一樣，真係舉手技足都是戲。其實呢幕就像是重演了劇中嫻妃曾為乾隆爭寵的純妃梳頭時故意整痛純妃，以及她扯高貴妃頭髮去照鏡的一幕，難怪唔少網民都留言話輝發那拉氏帶人照鏡都不是好事。
阿佘幫張嘉倪梳個頭都渾身是戲。