「貪玩」Coffee唔怕粗身大細 懷孕8個月仍然想去沖繩浮潛
撰文：關穎賢
出版：更新：
Coffee今次在沖繩影的靚相，全部由老公揸機，都影得唔錯喎。
現時懷孕31周的林芊妤（Coffee）本來身材勁fit就不用多講，就算陀B八個月腰圍都只得33吋，令不少準媽咪羨慕不已。而Coffee日前就跟老公去了日本沖繩旅行，同陽光玩遊戲。Coffee接受《香港01》訪問時笑言，想挑戰水上活動：「原本想玩浮潛，但因為打風所以冇得玩！」
Coffee趁仲有時間，同老公去沖繩旅行。（受訪者提供）
旅行期間，Coffee亦不忘上載靚相。相中見到Coffee穿上比堅尼同貼身長褲，雖然個肚有返咁上下大，但手腳仍然纖瘦。究竟點解Coffee點解可以一路keep住好身材，少少都冇走到樣？她透露就算去旅行都不會偷懶，並堅持每日做拉筋運動，更教大家簡單的瑜珈動作，好處包括減肥、排毒、拉筋及改善痛症，最重要就是能夠減少肚紋，各位孕婦不妨一試。
先預備一個枕頭或block放喺墊子上，用嚟坐住。然後，雙腳翹起，等盆骨高過膝蓋，將個人慢慢放鬆。
人慢慢放鬆，將兩隻手升起，並控制呼吸。再將個人擰去左右邊。
然後升起雙手後，左手捉住右手，將人拉去右邊。打開心口，望向天花，拉東腰側，左右重複。
然後將一雙手放在大腿上，把上身向前扭一圈。每次向前呼氣，身體往後時吸氣，每邊做5下。
做這個Cat Cow動作時，手同膊頭成直線，臀部同膝蓋都成一直線。如果是孕婦的話，就將腿打開少少，然後將臀部升起。這個時候會覺得肚臍有股力量拉住，慢慢呼氣，將肚往內收。
如果想看完整版本，請點擊圖輯及影片：
+2
+4