黃宗澤開蠔吧獲眾星撐場 爆三哥喺《飛虎2》全副武裝上陣
撰文：黃欣華
出版：更新：
黃宗澤所經營的蠔吧近年生意越做越大，日前Bosco更把蠔吧在九龍城的舊址搬到面積三千呎的尖沙咀新鋪。Bosco新鋪今日（5號）開張，苗僑偉、岑麗香、黃翠如、張繼聰、袁偉豪、張頴康、張秀文、莊思敏、洪天明、鄧智偉、葉念琛與樂易玲等一眾圈中好友都有到場支持，Bosco更親自上陣即場開蠔，十分專業。
Bosco新鋪開張以蠔代替燒豬，他的開蠔技術更是一流。〈陳順禎攝〉
Bosco生意越做越大，香香與翠如都很替Bosco開心，更笑言：「我哋以後食蠔都唔使畀錢！」但作為老闆的Bosco聞言就即時澄清：「你哋一定要搞清楚，係我請你哋，所以唔使畀錢，唔係嚟呢度食飯唔洗畀錢！」翠如即扮傻笑說：「係咩？點解我次次嚟都唔使畀錢？」香香亦追問：「咁你唔喺度咁點呀？」Bosco稱：「唔係度，咪畀錢囉！唔係度仲唔畀錢呀？」
翠如與香香都稱在這裡食蠔未試過畀錢。〈陳順禎攝〉
翠如早前到《美女廚房》煮魚粥大獲好評，所以自薦可以為Bosco煮蠔粥。但Bosco毫不留情，馬上拒絕翠如一番好意：「呢度賣西餐，唔洗啦！」對於三哥苗僑偉有意入股，Bosco表示：「上市先搵佢啦，一間半間搵佢把鬼咩！佢打麻雀，都打我一間鋪投資啦！〈會唔會擴大版圖？〉我哋呢班投資好啦，千奇唔好搵三哥，上市先搵佢！如果有時間，口碑好都會嘅。」
Bosco拒絕三哥入股！〈陳順禎攝〉
至於馬上會開拍《飛虎2》，Bosco稱：「無三哥點叫飛虎。〈怕唔怕好似上次拍得咁辛苦？〉唔會覺得辛苦，三哥都係着西裝坐冷氣房，但據聞佢今次都係全副武裝。」