ViuTV真人騷唐寧訪家傭鄉下眼濕濕 網民各走極端掀罵戰

撰文:卓柏安
出版:更新:

ViuTV最新真人騷節目《最熟悉的陌生人》,邀請家有外傭的演員走訪家傭鄉下感受對方生活。首集唐寧到印尼探望工人姐姐Muji的家,節目播出後引發激烈爭議,有人認為工人姐姐來港打工有得有失,不用悲情烘托,又留意到姐姐的大屋,指香港人做足一世都沒有,不少網民激動反駁外傭放下自己孩子來照顧香港人的孩子,對本港家庭貢獻良多,直指對部分港人冷血留言感失望。

節目中唐寧到家傭印尼鄉下,以了解她的生活。(ViuTV片段截圖)

下載「香港01」App ,即睇城中熱話:https://hk01.app.link/l7U1Y7t5LO

《最熟悉的陌生人》中演員親身走訪其外傭的家鄉,尋找家傭姐姐背後的故事。首集唐寧到陪伴其家庭6年的Muji家鄉,唐寧直指生活中有很多事情家傭都陪我身邊,故想透過節目反過來經歷Muji的生活,「我來是為了了解她更多,但亦怕知道越多越內疚」。

節目透露離鄉別井來港打工的Muji,努力照顧唐寧子女,惟過去6年間見到自己親生兒子Risky的時間卻不足100日,錯過兒子的成長。當唐寧抵達Muji的家,先後與Muji及Risky擁抱問好,她其後入屋參觀,獲知這個家雖由Muji賺錢建成,Muji卻最後入住,其間唐寧忍不住感觸落淚,場面感人。

節目中唐寧到家傭印尼鄉下,以了解她的生活,兩人一度感觸落淚,場面感人。(ViuTV片段截圖)

ViuTV 官方facebook日前分享這集的宣傳片,沒料引發一輪激烈爭議,雖不少人同意外傭來港打工遠離家鄉是很慘,惟亦有不少人留言指這是她們的選擇,「人哋可以養到個仔咁大,加有大屋住…講真有得就有失…」,「啲工人可以留喺自己鄉下湊仔喎,無人逼佢喎,想搵錢就想搵錢啦,扮咩骨肉分離啫」。

有人聯想香港打工仔搵食也辛苦,「有邊個打工仔唔係咁?如果選擇賺多啲,梗要犧牲啦,天下無免費午餐……」、「好多父母外出搵食,一日只可見一至兩小時(唔計瞓覺時間),咁又點計」。

部分網民聚焦在Muji的居所,直言她來港工作雖有所犧牲,惟回報也豐富,不能說慘,「至少人哋做6年夠買樓自住,諗起香港人做到死都未得」、「如果我出國做5至6年工可以喺香港買樓養埋全家,我會好開心囉…仲想要點樣嘅生活?」、「打幾年工就可以起到間又大又靚嘅房,香港做足一世都唔會有一半」。

甚至有外傭僱主疑將對自己工人的不滿轉投節目中,反問節目為何不提外傭黑面玩手機及偷竊等不良行為,甚至意有所指留言稱「你會發現佢屋企可能有好多原本在你屋企嘅嘢」,又質疑「為一場交易,內疚有咩意思?」,認為唐寧節目中眼濕濕也只是做騷。

有網民注意到唐寧家傭的家,直指香港人如何打工賺錢也買不到。(ViuTV片段截圖)

有關留言引來另一批網民炮轟香港人涼薄,稱睇留言睇到心寒,「見到嗰啲冷血嘅留言就會明白點解香港今時今日搞成咁,如果可以無人想離鄉別井……」,又斥「香港地大把嗰種畀得幾千銀人哋,但就當正自己係貴族嘅無恥人」,有人慨嘆「當你有同理心,你先會感受到嗰種內疚感,有啲嘢唔係錢可以衡量,陪伴仔女同埋年幼仔女需要父母嘅時間係無價嘅」。

有網民則認為「人哋套嘢想帶出人與人之間嘅相處不分年齡族裔身份同距離,但啲人偏偏執着喺人哋做6年可以返鄉下退休買大屋養全家好正,人哋正正錯過咗6歲仔個成長過程呀!」,又批評「乜香港人真係唔識代入人哋嘅角度同處境,一味喺到批鬥?」