【最熟悉的陌生人】唐寧視印傭為家人都惹負評 「抨擊在所難免」
撰文：趙允琳
出版：更新：
唐寧日前（6日）出席以環保概念為主題的時裝設計比賽，平時非常關心環保議題的唐寧就表示非常支持本次活動：「我自問都已經同時裝界脫節咗好多年，但今次都係以環保時裝為主，所以都值得支持。」被問到如果大眾都想支持環保，可以如何從服裝入手？「唔好過份地買新衫啦。其實都真係唔需要買咁多衫，有好多舊衫，就算你話個款式過時，你再諗下可以將佢改啦，又可以將佢轉贈畀朋友。」
對環保非常關注的唐寧建議每次買新衣服時，都先衡量是不是有需要才買。（葉志明攝）
唐寧更直言因為減少了買新衣的需要而感到很幸福：「出去做嘢可以借衫啦，未必下下都要買新衫，因為好多時真係著一次就唔會再著。」她更建議每次買新衣服時，都先三思衡量一下，是真的有需要才買。
唐寧在印尼「第一次」坐相處多年的印傭姐姐的車尾，直呼她好有型！（葉志明攝）
最近唐寧亮相ViuTV熱播的節目《最熟悉的陌生人》，親身到了陪伴她6年的印傭姐姐（Muji）位於印尼的家鄉。本身是印尼華僑的她已經曾到訪印尼多次，卻第一次去Muji的家鄉。被問到是不是跟相處多年的印傭姐姐，嘗試到不同的「第一次」？「都係，我坐佢車尾囉！佢揸電單車，好有型！」Muji雖然只是陪伴了她6年，但唐寧卻視她為一起經歷了很多的家人，所以在真正見到Muji以工作換來的新家時都很替她感到高興。
唐寧直言沒太關心網民的留言，希望能給予空間大家自由討論。（葉志明攝）
節目播出後都惹來部分網民的激烈的抨擊，唐寧表示有負評都是在所難免：「正常嘅，大家表達意見係OK嘅，我又唔會諗太多。」（會唔會都盡量唔睇啲唔好嘅留言？）「其實好唔好我都唔會點睇，都係想俾番個空間大家討論啦。」她更表示非常尊重大家表達各種意見，能夠激發思考也未嘗不是一件好事。