鍾鎮濤曾為兩餐拍低質電影 感恩圈中好友支持渡過低潮
撰文：冼燕珊
出版：更新：
鍾鎮濤相隔十年於紅館開個人演唱會，日前作客TVB娛樂新聞台節目《StarTalk》，接受主播許文軒(Edmond)專訪，大談入行多年感受。他笑說：「好耐冇玩過Saxophone，依家要練嘴肌，因為咬唔實就會漏氣，咬得耐又會好攰，依家一星期要起碼有十個鐘嘅練習。除此之外，今次要挑戰打拉丁鼓，因為恭碩良做我鼓手之外，仲係我音樂顧問，我哋會一齊Jam，我都好期待呢Part。」
鍾鎮濤相隔十年再開演唱會，接受許文軒(Edmond)訪問，談起入行時曾遇過的人生低潮。
提到人生低潮時，他說：「當時日子好難捱，有工作就做，其實好陰功，我拍嗰啲片質素差到呢，但為兩餐，為屋企都冇計，其實好多演員就算幾大名都好，為咗生活都可能拍過呢啲自己講出嚟都覺得尷尬嘅戲。」
鍾鎮濤感恩圈中有很多好朋友，幫助他渡過低潮。（FB圖片）
鍾鎮濤亦感恩一生中遇過不少好朋友，他說：「校長(譚詠麟)係我人生中最大嘅財富，佢幫咗我好多，今次演唱會佢亦係幕後黑手，仲幫我排Rundown。其實仲有好多好朋友都好關心我，呢啲係錢都買唔到。好似梁朝偉喺我低潮時俾我鼓勵，陳昇就叫我去台灣錄歌，張國榮亦介紹工作俾我，其實我兩年前先知道，原來佢當時叫投資嘅黃百鳴起用我拍《九星報喜》。」