【限期破案】吳彥祖終於返香港拍戲 演極度悍匪殺人唔眨眼
撰文：許育民
出版：更新：
因為家人和囡囡的出世，吳彥祖（Daniel）數年前選擇離開香港，到美國發展。憑住英俊外表，加上一口流利英語，Daniel好快就在美國闖出名堂，先後拍過《人造天劫》（Geostorm）及《盜墓者羅拉》（Tomb Raider），不單止戲份多，角色仲有一定重要性，唔係行行企企當拍咗。更吃重的還有與馮德倫一同擔任執行製作，並親自主演的美劇《荒原》（Into the Badlands），第一季一致叫好，亦已經拍到第三季。
吳彥祖在美劇《荒原》擔任埋執行製作，第一季大受歡迎。
咁吃得開，仲以為Daniel從此樂不思港，以後睇吳彥祖就要聽佢講英文。直至日前，英皇電影宣布下星期會在江門舉行新戲開鏡禮，男主角正正就是期待以久的吳彥祖。電影叫《限期破案》，是《衝鋒車》導演劉浩良第二部長片，是一部雙雄式的鬥智電影，對手有內地演員王千源，女主角就同屬英皇電影的衛詩雅。
上年套《人造天劫》，吳彥祖都飾演香港人，有幾句廣東話對白。
單看戲名，都知這是部警匪片，不過警一角由王千源飾演，換句話Daniel在戲中會演匪，而且不是普通貨色，仲係悍匪，行事殺人不眨眼，為達到目標，連手足都可以犧牲，但另方面他又是智慧型罪犯，仲會有情深一面。至於王千源就是一直追捕他，但一直不成功的警察，二人鬥得難分鬥解，屬香港電影另一強勢片種。
在《盜薹者羅拉》，角色算吃重，亦跟香港有關。