換樓客睇樓後即扑槌 斥548萬購荃灣中心3房戶 代理親赴日本送訂

撰文:陳嘉碧
出版:更新:

為了完成一宗交易,不少代理都提供周到服務。美聯物業荃灣荃景圍分行首席高級營業經理鍾家豪表示,新近促成荃灣中心一個中層3房戶成交,換樓客睇樓即日扑槌入市,由他本人越洋送訂至日本東京促成交易,單位終以548.8萬元易手。

原業主已移居日本

他指出,荃灣中心9座中層B室,實用面積約460平方呎,建築面積約573平方呎,原業主委託朋友來該行放盤,早前開價約550萬元放售上址,獲外區換樓客洽商承接,輕微議價後以548.8萬元成交,折合實用呎價約11,930元,建築呎價約為9,578元。

鍾家豪表示,買家睇樓即日決定入市,並沽出自住沙田物業,但原業主早已移居日本東京,故他自付機票錢,即日訂機票,馬上起行親身送訂至當地,以簽訂買賣合約,促成交易。

是次轉手帳賺逾2球

據悉,原業主於2014年2月以約337萬元購入上述物業,持貨5年轉手帳面獲利約211.8萬元,大幅升值約62.8%。鍾家豪稱,荃灣中心現時僅有1個同類3房放盤,為7座高層B室,叫價約580萬元。