【詭探前傳】沈殷怡棄做「律師女神」入行拍劇:監製喺IG發掘我

撰文:林迅景
出版:更新:

ViuTV劇集《詭探前傳》於2019年4月29日晚正式首播,首播當晚網民就急不及待於網上討論劇情。至今已播出一個星期共5集,網上普遍的評語都尚算不錯,除有人發現,第一集出現幫助年輕版司馬至全(游學修飾)的小妹妹是觀音外,更有不少目光停留在電視圈中的新面孔彭百川(鄭少秋飾)的女兒彭靜身上。巧合的是,這位新演員與鄭少秋的女兒鄭欣宜的名字讀音只差一個字,叫做沈殷怡。

《詭探前傳》第二集沈殷怡(Shirley Sham)已經有出現。(劇照)

入行首部電視劇即演「鄭少秋女兒」
加入ViuTV前,沈殷怡(Shirley Sham)本身是在律師事務所任職見習律師,她接受《香港01》訪問時說:「喺香港讀完中學之後,就去咗復旦大學讀Undergraduate同考咗內地律師牌。始終都係香港出世同成長,所以就回流返香港,喺中文大學讀Law Master,畢業後先入咗律師事務所實習一年。」問及入行的經歷,她說其實也是因緣際會之間,被ViuTV的監製在Instagram上發掘,再推薦她加入ViuTV。「其實我嗰時仲喺律師樓做緊嘢,經過咗一番爭扎先決定入行。」

同樣是「秋官個女」,但沈殷怡和鄭欣宜兩位無論性格外型上,都有很多不同之處。(IG圖片)

沈殷怡與鄭欣宜的相似之處 沈殷怡:一樣有個好爸爸
雖然說,沈殷怡和鄭欣宜,一個是鄭少秋戲內的女兒,一個是鄭少秋現實中的女兒,無論性格外觀都不同,但兩人都有還是有不少相似之處。說起二人相似之處,沈殷怡說:「大家都有一個好好嘅爸爸,哈哈。因為我都好景仰我自己親生Daddy,我同秋官拍呢套戲,飾演彭靜嘅時候,佢都係一個非常之好嘅爸爸。我知道,秋官都係演藝圈入面一個好爸爸嘅榜樣。我相信我同佢一樣,都好為自己熱愛嘅事情努力。因為我自己都有去睇佢演唱會,我都好鍾意佢。佢聲線係非常之特別,我好鍾意佢嘅歌,所以都特登去聽佢演唱會。我睇佢有閃閃發光嘅特質,所以我都希望自己有呢個特質。」

【詭探前傳】最難忘彭靜結局一幕 沈殷怡:呢一世都唔想經歷​

【多圖】嚴選5位ViuTV最被低估新女藝人 第1位同馮盈盈比唔輸蝕

沈殷怡坦言,第一次拍劇既緊張又興奮。(截圖)

劇集與現實中的「鄭少秋個囡」的不同之處:成長背景唔同​
那麼,不相同的地方又是甚麼呢?她回答說:「唔同嘅係,我同欣宜成長背景好唔同,佢自細就好努力咁去實踐自己想做嘅事情,而又有而家咁好嘅成績;而我就係冇咁勇敢聽從自己內心聲音嘅人,直到我自己做咗一年律師,先發覺自己想做其他事情。雖然成長背景唔同,但係都係嗰句,對住自己鍾意做嘅嘢,大家嘅態度都係相似嘅。」

沈殷怡表示,做見習律師之前也做過兼職模特兒。(IG圖片)

「我好感受到秋官對佢囡囡嘅愛,其實秋官有同我講過:『嗱,你就係我嘅前世情人,囡囡就係我前世情人,所以我點會對你唔好呢?我一定會畀你食住,就好似我而家成屋都係女人咁。』甚至佢仲將段對話擺咗上自己個Fanspage。或者呢啲就係真正嘅父愛。」

+12