【PTU機動部隊】同阿Sa大玩制服誘惑 林峯:終於有呢個機會!

撰文:關穎賢
出版:更新:

網劇《PTU機動部隊》由林峯、蔡卓妍(阿Sa)、方中信主演,劇中演員陣容強勁,仲有譚耀文、林雪、張繼聰、温碧霞、苑瓊丹、石修等實力派演員,昨日(6/5)演員們於北京舉行盛大發布會,廣東話版將於5月9日登陸黃Viu煲劇平台獨家首播。而故事主要講述卧底警員高家聲(林峯飾),搗破黑幫組織後重返警局並加入PTU(機動部隊),跟女沙展何慧玲(蔡卓妍飾)和鐵面無私的隊長劉建暉(方中信飾),經歷一連串誤會後,建立起同僚感情的故事。

網劇《PTU機動部隊》由林峯、蔡卓妍(阿Sa)、方中信主演,劇中演員陣容強勁,仲有譚耀文、林雪、張繼聰、温碧霞、苑瓊丹、石修等實力派演員。(劇集海報)

《PTU機動部隊》對林峯來說別具意義,除了相隔5年再度接拍港劇,更是入行21年來首部以制服示人的劇集:「一直好希望自己有機會可以著呢件衫,終於有呢個機會!今次係我第一次演穿制服嘅紀律部隊,係首次嘗試,非常光榮。而且每次同所有PTU隊員一齊出去,基本上已經進入咗角色,尤其我哋拍外景、喺街巡邏嘅時候,我可能真係將自己當成警務人員,所以我嗰個氣場,會令好多市民以為我哋真係警察。」他憶述有次拍攝『掃樓』情節時,碰到真的警務人員在『掃樓』,他們也感到奇怪,為何會有另外一隊人在:「後來先知道我哋係演員,佢哋就話我哋著得(制服)特別好睇。」林峯亦搶先透露角色高家聲的簡介,表示角色本身做卧底,但他內心正義,後來希望找回當初成為警務人員的初心,便重新加入一個制服部隊。

點擊下圖看更多劇照:

另外,今次亦是阿Sa首次參與香港拍攝的電視劇,雖然無法出席記者會,但也拍片為劇集打氣:「今次係我第一部網劇,雖然好遺憾嚟唔到現場,但係喺我哋劇裡面嘅顏值擔當都喺現場。」值得一提的是,老戲骨林雪過去曾憑電影《PTU》奪得第九屆香港電影金紫荊獎最佳男配角,闊別十年,林雪再度演出類似題材,令不少網友直呼非常期待。問到他對於PTU有甚麼看法,他認為:「PTU精神就係執法,我哋只要見到壞人,一定要將佢繩之於法。」