【反斗奇兵4】奇洛李維斯怕同巴斯「撞聲」 配音要特別加料

撰文:沈洛嘉
出版:更新:

大人小朋友都啱睇的《反斗奇兵4》(Toy Story 4)仲有2個月就有得睇喇!早前迪士尼在拉斯維加斯舉行的CinemaCon中,公開了一段17分鐘的電影片段,內容大有洋蔥,睇來今次要帶定幾包紙巾入場啊!

胡迪今次身負重任,要求救返小叉,將佢送返Bonnie身邊!(《反斗奇兵4》預告片截圖)

今集《反斗奇兵4》中除了有新玩具小叉(Forky)的加入外,還有一個新角色加拿大首席特技人勁爆公爵(Duke Caboom),正是由《殺神John Wick 》主演的奇洛李維斯(Keanu Reeves)為其配音!勁爆公爵的特點就是非常喜歡表演自己,在首次見到胡迪和牧羊女(Bo Peep)時更擺出多個高難度甫士,非常吸晴。

勁爆公爵首次登場已經非常搞笑,仲令牧羊女唔耐煩反白眼。(影片截圖)

​奇洛李維斯為角色配音加料
奇洛李維斯表示自己為勁爆公爵配音時,不希望跟Tim Allen配音的巴斯光年太相似,因為兩者都會傾力幫助胡迪去救出小叉,所以在配音時他非常注意勁爆公爵會用甚麼方式去說話呢?最後他選擇了以低沉沙啞的聲音,給予角色更多力量和個人特徵。奇洛李維斯︰「我認為勁爆公爵很喜愛他的工作,他是加拿大最出色的特技人,我希望他在說話時持續擺甫士,顯露出他的激情。」

+1
睇完《殺神John Wick 3》唔夠喉?唯有等多陣睇《反斗奇兵4》聽住佢把聲先啦!(影片截圖)

在《反斗奇兵4》中勁爆公爵似乎有着很重要的角色,他會幫助胡迪和牧羊女救出小叉,讓他安全地返回Bonnie身邊,而且今次最終版預告釋出更多畫面,毛公仔孖寶上次就同巴斯爭鋒相對,今次卻落力幫胡迪,不過似乎搞笑多過幫忙,唔知係咪真心幫到手呢?

+5

《反斗奇兵4》最新預告