黃芷晴上綜藝節目遇心儀對象 借機感謝爸爸黃日華對媽媽無私奉獻
撰文：賴家杰
出版：更新：
黃芷晴久久沒露面出席公開活動，昨天（29日）她擔任模特兒出席時裝秀活動。芷晴在接受《香港01》訪問時候解釋因為這段日子忙於照顧患病的媽媽：「我呢段時間喺屋企成日陪佢，佢依家狀態都ok，咁啱我早前生日，食咗好多餐飯，但最開心嘅係同媽媽一齊岀街食飯，因為佢之前身體唔好，唔可以岀街食飯，但今年終於可以。」
芷晴今年生日最感動是媽媽終於願意跟她合照，她說：「佢之前狀態唔好又唔想打扮，成年都唔肯同我影，今年終於肯，好感動。」（梁碧玲 攝）
除了芷晴本人在家中照顧媽媽之外，父親黃日華也會常常陪伴她，芷晴透露：「爸爸經常帶媽咪出街，所以早前去內地拍攝綜藝節目時，我都借機去表揚爸爸，因為爸爸對媽咪真係好好。」
芷晴對於爸爸花長時間照顧媽媽這一點很感動。（梁碧玲 攝）
談到去了內地拍攝綜藝節目，目前單身的她自爆在節目中認識到一個蠻不錯的男生：「嗰個男仔佢叫做陳一天，我覺得佢都唔錯。其實節目入面有四對情侶，但我哋有少少唔同，依家慢慢了解當中。可惜拍完節目個幾日，佢又要飛去開工，我已經有成個月冇見佢，但都有Keep住聯絡。」