【開心速遞】送水輝舉行入行十年兼36歲生日會 收費$250有咩玩?

撰文:林迅景
出版:更新:

話咁快,今年已經是許家傑(Jack)入行成為無綫藝人的第10個年頭。自他參選《香港先生競選2009》奪得冠軍後,他就開始在電視圈打滾,10年間大大小小也飾演過50個以上的角色。雖然頭數年仍處於新人階段而未有代表作,但直至2017年在處境喜劇《愛·回家之開心速遞》中飾演「送水輝」一角,就令他迅速上位成為劇迷心中的新一代男神。

許家傑36歲生日派對,除了是一個Fans Meeting,原來也是一個抱抱會。(IG圖片 / jackhero5)

適逢今年是他入行第10年,他今日就在IG上公布,將於8月17日(週六)舉辦生日會兼慶祝派對。不過,到底生日會有甚麼活動呢?許家傑接受《香港01》查詢時,就笑言:「冇嘢玩㗎,淨係得見到我,哈哈。講真,可能真係冇咩玩,會同佢哋講吓劇情,講吓《愛回家》嚟緊會做啲咩,同埋分享。雖然呢個係生日會,但係平時好難可以坐低同佢哋慢慢傾。其實佢哋都好想同『送水輝』,或者許家傑傾計,所以最主要都係分享自己嘅經歷。另外,都會同佢哋玩下遊戲,可能今次比較倉促。如果搞得成,可能下次搞啲Workshop,整蛋糕或手袋。」

10年前參選香港先生的「送水輝」,與10年後的他樣貌真的沒什麼改變。(視覺中國)

相信不少粉絲都會關心玩遊戲會否與他有「親密接觸」,例如摸下胸肌?他笑言:「胸肌就冇得摸㗎啦,攬攬、影吓相就無任歡迎嘅。」講到去生日會,就當然要帶禮物,不過他對於生日禮物的要求,原來又十分有意義。「最好帶禮物,而帶嘅禮物最好就係$100或者$50嘅捐款,捐畀有需要嘅人。因為我生活上冇咩缺,唔使帶禮物畀我,大家帶一啲幫到人嘅嘢就得啦。」他最後更透露,自己也為了入場的粉絲準備了一份神秘禮物。至於到底是甚麼禮物呢?他就大賣關子:「到嗰日先會知。」

《愛·回家之開心速遞》一劇中出現不少經典場面。(IG圖片 / jackhero5)

其實《開心速遞》的演員搞生日會慶祝已經不是首次,周嘉洛在2017年8月舉辦過粉絲見面會,收費$150,而今年5月份,「傻強」(馮奕森)也舉辦過生日會,收費則是每位$350。相對而言,以送水輝的人氣收$250都算合理。【開心速遞】傻強馮奕森舉行首個粉絲見面會 金城安朱凌凌任嘉賓當時除了主角到場之外,還有朱凌凌(吳偉豪飾)、George(張明偉飾)、C AllStar的King(吳崇銘) 以及Error的肥仔(梁業)等人。會上除了播放出「傻強」的靚仔騷肌片段,也與粉絲們大玩遊戲和唱歌,都幾熱鬧㗎。

+1