【多圖】網友經常認錯人 王曼喜教6個方法分辨佢同妹妹王麗嘉

撰文:林迅景
出版:更新:

​王敏德和馬詩慧大女王曼喜(Kayla)日前(30/8)出席雜誌的頒獎禮,她接受《香港01》訪問時,表示自己近來忙於自家環保時裝品牌的籌備工作:「嚟緊幾個星期仲有啲影相工作,之後10月仲會同媽咪(馬詩慧)去意大利睇時裝騷。」她也透露,在時裝品牌的工作上,媽媽也會適時給予意見。

家姐王曼喜(Kayla)同細妹王麗嘉(Irisa)真係好似樣。(IG@irisashannon)

其實王敏德、馬詩慧一家一直是網友的討論焦點,除因為是藝人家庭之外,大女王曼喜(Kayla)和二女王麗嘉(Irisa)的IG相片亦令人讚嘆不已,又為她們帶來不少粉絲。不過,因為她們一直孖公仔出現在IG上,以致分辨「誰是Kayla,誰是Irisa」成為網民心中的難題,網民在討論之餘亦會經常認錯人。到底要如何辨認呢?王曼喜(Kayla)說:「如果識我哋呢,就好明顯嘅。我個人就比較穩重少少,我個妹(Irisa)就好開朗。雖然我都開朗,不過我就好家姐嘅格,好照顧佢。」

王曼喜(Kayla)今日着得好靚。(葉志明攝)

她續說:「例如搵路去Events嘅時候,佢會好依賴我去搵路。外型方面,其實我哋身型都好唔同,佢又高啲,又豐滿少少,仲有就係佢黑過我,雖然我都鍾意曬,但係佢就再勁啲,同埋佢顴骨高過我好多,我嘴唇就厚啲,佢就細啲。」

馬詩慧爆老公王敏德特別生活習慣 囡囡王麗嘉:我自己都係咁!