【花姐ERROR遊2】潛水女教練原來係雞排妹師妹　曾出濕身誘人寫真

最新一集《花姐ERROR遊2》講到梁業（肥仔）、何啟華（Dee）、郭嘉駿（193）同吳保錡（保錡）齊齊由台東出發去綠島，並被迫喺藍洞跳水，幾位男子即時淆底獸上身。不過好在坎坷過後有艇搭，因為節目之後安排咗有台版三上悠亞之稱嘅黃語辰同ERROR一齊浮潛，幸福真是來得太突然了。

黃語辰今年打著「雞排妹師妹」、「台版三上悠亞」的稱號推出寫真，大晒32D美好身材。不過自稱單身嘅佢，喺寫真推出無耐，黃語辰被影到同內地影視公司CEO廖寶軍狀甚親密現身香港尖沙咀某酒店，等候Check In時，男方不時搭着女方肩膀，之後更出現攬腰、摸股等動作，女方全程十分受落。雖然事後CEO廖寶軍解釋只係帶黃語辰同香港導演見面，並強調只係搭了一下肩膀，但成件事都相當可疑。