傳夜闖緋聞女友陳瀅香閨 陳家樂親口認樓下落車：多謝大家祝福
撰文：吳子生
出版：更新：
陳家樂今日（21/9）現身香港電台出席廣播劇《畢得鳥劇場》與電台主持人及小演員一同錄製20集廣播劇，宣揚仁愛家庭的文化。家樂笑言最擔心是錄製出來聲線效果似小朋友：「今次喺廣播劇裡面我就做一位爸爸，好彩呢個爸爸性格偏向似小朋友多啲，而我擔心嘅係呢班小朋友佢哋好叻好專業，頭先佢哋未埋位已經喺度背晒啲稿，希望一陣NG唔會係我啦！」
家樂透露準備為下一部電影角色不斷操肌，他表示一星期操足四日。（許朝暉攝）
近日報道有指陳家樂夜闖緋聞女友陳瀅香閨，大廈保安員主動開門打招呼，雙方頗為熟稔，疑似升級到同居關係。家樂堅決否認同陳瀅拍拖：「其實嗰個屋苑我啲朋友都喺住嗰度，個日係去探我朋友。」（有冇上過佢屋企探訪？）家樂續說：「上佢屋企就未試過，但坐過佢架車，然後車到佢樓下放低我，因為呢個屋苑都近鐵路站，方便我再搭車走，其實我同陳瀅嘅關係真係未到拍拖談戀愛嘅階段。」對於網民極力讚好同陳瀅拍拖，家樂表示：「多謝大家嘅祝福。」
家樂表示為了角色飲增肌奶搞到背脊爆晒瘡。（許朝暉攝）