【失憶24小時】前男友講大話 密會異性被踢爆 譚凱琪:幾情傷失望

撰文:吳子生
出版:更新:
譚凱琪今日出席新劇《失憶24小時》造型記者會,她將與王君馨、湯洛雯及江欣燕有不少對手戲。(陳順祯攝)

譚凱琪(Zoie)今日(30/9)現身將軍澳出席《失憶24小時》造型記者會。Zoie在劇中飾演郭晉安太太並育有一名小孩,老公經常「炒散」工作,導致家庭出現經濟壓力,Zoie被迫外出工作賺錢養家,加上老公安仔經常講大話,導致婚姻出現危機。

Zoie直言從來不看男友手機短訊內容,認為雙方都有自己私隱。(陳順禎攝)

Zoie透露曾經拍拖時,男方經常講大話事後被踢爆,而導致分手收場:「試過男方話唔係出行,但係畀我拆穿咗佢原來同其他女仔去咗街,咁其實都幾情傷幾失望,不過宜家自己唔係好想做管男朋友嘅角色,如果做咗,就好似做緊私家偵探咁,成日要諗佢究竟男方去咗邊,咁所以做呢個角色其實都好辛苦,自己曾經經歷過,咁所以宜家會揀返一啲成熟啲嘅男仔。」