【金宵大廈】金宵舞廳原址仲有間大華會 多次易手今成按摩足療店

撰文:林迅景
出版:更新:

無綫劇集《金宵大廈》播出以來受到香港市民歡迎,除了題材特別之外,劇本取材自香港的實地故事亦是引人入勝之處,夠貼地有共嗚就有捧場客。據劇集編審羅佩清所說,金宵大廈的主景其實就是位於尖沙咀的香檳大廈,而劇中最著名的金宵舞廳就是瓊宮酒樓夜總會。(前文:【金宵大廈】金宵舞廳真實存在過 冰室老闆:當時著西裝先入到)據《香港01》現場查訪,就發現了現址已變成一間按摩足療店,一名於足療店工作多年的員工姐姐接受訪問時,就表示該店已有7-8年歷史,不過言談之中她說出了另一個驚人歷史。

見到「大都酒店」招牌,再往下走就會發現另有洞天。(葉志明攝)

足療店員工:「前身真係一間夜總會嚟㗎,之後就變咗一間足療店,但係佢哋做咗三個月就冇做,之後老闆就頂咗手嚟做。」劇推算以及資料顯示,約莫8年前原址中亦有一間名叫「大華會」的夜總會存在。

按摩足療店的後門還有一塊原址「大華會」(或稱大華舞廳)的招牌。(葉志明攝)

一位附近的街坊「林小姐」接受《香港01》時表示,自己是由細到大生活在香檳大廈的「老街坊」,她說:「阿爸阿媽喺呢度(工作),所以我係喺度長大,中學就喺出面讀書,阿爸就喺度做鞋。(指着足療店現址)呢度就係大華舞廳,有時夜晚咪有啲小姐出嚟,喺度坐下行下咁囉。」大華舞廳有多久歷史?「我諗3,40年前就喺度,但係有幾耐(歷史)就唔知,因為嗰時我好細個,我10幾歲就已經喺度。有咩歷史就唔知啦,或者你可以問下上面個看更。」會不會古怪事發生過?「冇喎!細個好多人喺度打波,好正常嘅,嗰啲都係電視嘅渲染嚟嘅啫。」

相信這間「中華夜總會」也是足療店的前身。(網上圖片)
+3