【解決師】馮盈盈同居但未想結婚：我哋好想但未夠錢呀!
撰文：林通賢
出版：更新：
馮盈盈在《解決師》飾演女警，會有好多動作場面，亦會同張穎康飾演情侶。(梁碧玲攝)
《解決師》今日在無綫舉行記者會，除了王浩信有不少動作戲外，原來馮盈盈都有不少打戲，她說：「今次我飾演女警啦，咁都有很多動作戲，要學柔道啦，我都極速學一個月。」而今日有雜誌指馮盈盈等嫁醫生男友，她表示短期及中期都不會想結婚：「點解唔結住呢?因為冇錢呀!所以勤力工作先儲到錢。」除了儲錢外，馮盈盈更表示同居後才了解大家的生活習慣有不同要慢慢適應，她說：「例如大家作息時間，我哋返工時間比較彈性，我男友要12點上床訓，但我就好夜先訓，有時我返工朝五起身，佢就朝七先需要起身，就係呢啲生活細節要大家慢慢就。」