【全民造星II】B4隊唱得彈得又靚仔 網民求組團出道:港版2AM!

撰文:葉詩
出版:更新:

ViuTV年度大型選秀節目《全民造星II》正在熱播,最新賽程說到MIRROR重新參加《全民造星II》的比賽,與48強的參賽者成為新的60強,並由A組導師火火、B組導師陳潔靈(Miss Chan Chan)、C組導師郭偉亮(Eric Kwok)帶領各自的隊伍進行小組對決,最後比分最低的一組需要淘汰十名隊員。在最新一集節目中,組員(95號參賽者陳樂Justin、79號參賽者陳天翱Eagle、47號參賽者梁瑞峰June、28號參賽者張天賦MC)歌唱實力均不俗的B4組加上MIRROR成員Jer,帶來的舞台讓不少觀眾驚艷,有不少網民更留言希望他們能組成港版美聲組合2AM。

95號參賽者陳樂(Justin)(右二)認為B4組一拍即合。(Instagram/@ctoeagle)

B4組成員原來個個的音樂造詣都不凡,每個都能唱能彈,被稱為「音樂最強組合」:79號參賽者陳天翱Eagle會作曲、作詞、彈鋼琴、結他、Bass、打鼓;28號參賽者張天賦MC則認為自己的歌唱能力可媲美其他參賽者;95號參賽者陳樂Justin更有絕對音感,光看牌面似乎挺有優勢。被指顏值與實力兼備的B4組在第一輪需為指定歌曲周興哲的《你好不好》編排舞台,他們挺理所當然地利用隊伍的優勢,選擇用不同樂器伴奏,而他們的和聲亦很是動聽,令監製花姐(黃慧君)連說了五次:「真係好好聽!」之餘,評判均紛紛給予好評,DJ Eric甚至說:「你哋每個人都唱得好,我唔知搵咩地方去挑剔。」

在第二輪的自選項目,B4組選擇了改編Justin Timberlake的《Mirrors》參戰,以Acapella的形式作為開場,讓觀眾很是驚艷。(節目截圖)
+11

花姐:我冇話要開新團!

在表演完畢後,花姐說:「簽曬你哋返嚟,為咗香港所有少女!」她又很快意識到現實:「邊有咁多錢?」網民紛紛在討論區留言希望B4組可以好像韓國美聲團體2AM那樣活動,花姐接受訪問時補充說暫時未有計劃要與哪一位參賽者簽約:「我冇話要開新團!但佢哋表現好好,好吸引人!簽人唔會成組咁簽,都係觀察緊邊啲參賽者有潛質,各自嘅觀眾緣係點……」談到June和Eagle在40強已出局:「名次同簽約無關係嘅。」

花姐又覺得現階段還不敢肯定什麼:「上年MIRROR都係去到一半先想開始組團,差唔多去到決賽先齊人」,對於第二季參賽者的去向,她說:「入MIRROR定組新團我自己都未肯定,未諗將佢哋放喺邊到用:組一團、放MIRROR、簽藝人,要俾少少時間我睇定啲,唔可以輕舉妄動!」

對於鏡粉們都希望Jer可以出單曲,花姐回應道:「嚟近MIRROR唔同成員都會出單曲、大家拭目以待睇下等唔等到Jer,唔會令大家失望!」(節目截圖)

MIRROR成員Stanley周三(6/11)出席新劇《地產仔》開鏡儀式後接受訪問,談到自己在《全民造星II》的心水人選:「我自己暫時睇好MC,我覺得佢唱歌好好聽。」談到MC態度的問題,他說:「呢樣嘢可以改嘅,始終評判都係睇台上嘅表演,佢喺台上真係好Charm!」

Stanley在《全民造星II》中看好28號參賽者張天賦MC。(陳順禎攝)

節目組在早期已經提出MC態度與遲到的問題,最新一集內容亦提到B4組因開會嚴重不足導致進度落後,在導師中間檢查的日子沒有準備自選表演,但MC自信地說:「我哋一、兩日就可以搞掂。」當Miss Chan Chan要求要做得好時,他再反駁:「一、兩日就會好。」此舉令對表演有追求的Miss Chan Chan極生氣地說:「你幾叻啊?」

+3

花姐承認對MC最嚴厲:同佢唔會輕鬆傾偈

與花姐談到MC的態度問題:「佢有改善嘅,亦都唔敢唔改善,我都唔係諗住做死佢!」花姐認為自己的責任是看到他的改變:「希望我有命睇到佢改善得好。」同時她亦理解比賽佔用了參賽者們不少時間,而他們同時需要上班、生活,在時間控制上有一定困難。花姐又自問對MC尤為嚴格:「同其他參賽者有時都會輕鬆傾偈,對佢就唔會,因為只要放鬆少少,佢就會成個人鬆曬。」

問到態度問題會否成為MC在比賽前進、甚至入行的阻滯,花姐說:「如果佢比賽成績好嘅,我哋都希望同佢合作,可以令更多人聽到佢唱歌。」她續言:「好多人我都考慮近會唔會簽,MC有潛質亦都係我考慮之列,但做藝人態度同性格都好重要。我估好多公司會對佢有興趣,樂壇係需要一個咁嘅人,無論喺邊到發展都好,入行之前都要處理好個態度!」