傳無綫將有裁員潮 電視城人心惶惶 林子博：希望刀下留人！
撰文：吳子生
出版：更新：
林子博（Bob)今日（9/11）現身九展為電影《失蹤》首映禮擔任司儀，這套懸疑電影改編自小說內有關結界的內容，並以2005年休班警員行山失蹤案為背景。子博直言十分相信這個世界有結界這回事：「正如太空黑洞一樣，當你進入咗黑洞之後，你就會去咗另一個地方，所以萬分之期待睇呢套戲。」
子博表示近來都有聽聞無綫將會有裁員潮消息，身邊舊同事都表現擔心。（葉志明攝）
對於近日有傳無綫將會有裁員潮，子博直言都有收到相關消息：「首先希望呢件事唔係真啦，甚至乎可唔可以將傷害減到最低呢？因為始終出面嘅市道都唔係咁好，咁有啲人真係要靠份糧食飯嘅，所以希望可以刀下留人啦，其實都知道身邊啲舊同事都幾擔心嘅，因為佢哋知道之後會有啲動作會做，所以佢哋都驚。」
子博笑言假如自己仍是單身寡佬時，都會不妨上山探究結界。（葉志明攝）