賈曉晨冇睇《絕代商驕》深宵翻播 直指黃子華「難頂」：好辛苦！
撰文：吳子生
出版：更新：
賈曉晨（JJ）今日（9/11）現身九龍灣國際展貿中心出席電影《失蹤》首映禮。提到拍攝過程，JJ表現興奮：「因為呢套戲大部份情景都喺山上面，除咗要克服被蚊蟲咬之外，仲要面對啱啱受颱風山竹吹襲之後嘅危險環境裏工作，我好記得有一日拍嘅時，有棵樹幹跌咗落嚟，好在冇整親，真係有驚無險。」
JJ表示暫時未有打算再生小朋友，因為好想再次投入演藝事業。（葉志明攝）
提到JJ有份演出的無綫劇集《絕代商驕》最近在深宵重播，她即表現得萬分雀躍：「我知道呀，但我冇時間睇，因為我啱啱先返香港，但已經幾個朋友都同我講，我仲同我啲朋友開玩笑自己當年只得18歲，哈哈！」講到黃子華合作，JJ表示哭笑不得：「簡直好辛苦，因為佢實在太搞笑，我同做嘢，真係忍笑忍得好辛苦，因為佢令我覺得佢每一句都好好笑，喺要等我笑晒先可以拍到，嗰陣時成日都好開心。」
JJ提起與子華哥合作拍《絕代商驕》笑料百出。（葉志明攝）