男友搞驚喜生日派對竟惹不滿 江嘉敏投訴：有少少嚇親囉！
撰文：賴家杰
出版：更新：
一年一度的TVB《萬千星輝賀台慶》於今個月19日舉行，今天（10日）一眾藝人為當日積極彩排表演項目。江嘉敏今年的表演項目是彈琴，特別的是她與梁巧敏一起表演四手聯彈。其實嘉敏的琴技已達演奏級，「我好耐冇四手聯彈啦，所以呢排一返屋企每日都搵兩個阿妹陪我彈。」
嘉敏笑言如果當天覺得自己沒信心，就找細妹去彈，因為兩姐妹樣子很相似。（梁碧玲攝）
早前嘉敏25歲生日，她的男朋友為她準備了一個驚喜生日派，然後更在網上社交媒體大騷甜蜜，不過其實嘉敏有點不滿和想投訴，她說：「當日佢叫哂我啲好朋友去，本身我唔知㗎，佢仲話帶我學打高爾夫球，我仲要著哂一套哥爾夫球衫去。我個日係著咗t-shirt牛仔褲，佢起碼都要暗示少少畀我知呀！搞到我影相好唔靚，好彩我有化妝。」
嘉敏希望下次有什麼派對，男友應先給一點暗示。（梁碧玲攝）
這次驚喜派對，突然見到全部好朋友出席，令不少網民都懷疑是求婚派對，不過嘉敏澄清知道男友暫沒有結婚計劃：「唔會啦，咁早，我好清楚佢為人。所以真係冇預過會係求婚，但有少少嚇親囉！」
嘉敏生日願望是挑戰騎電單車。（梁碧玲攝）