【潮流日常】湯洛雯自認是懶人極品 但依然堅持呢幾項修線條運動

撰文:洪曉璇
出版:更新:

常言道減肥真係女人嘅終生事業,湯洛雯體質易肥易瘦身型多變,應該特別深感受。靚湯用兩個半月減去十磅,除咗獨門飽肚減肥法,佢都坦言:「我呢啲懶人之中嘅極品,都發覺做運動係必須的﹗」

湯洛雯塊面真係變幻球一樣,時尖時圓(IG:@roxannetong)
靚湯坦言自己好少做運動,呢張都係當年《學是學非》節目所需去打泰拳(影片截圖)

靚湯IG經常都有更新,但一直睇到2014年帖文,都無見過佢分享做運動嘅相片或影片,學佢自己所講:「明白對女人來講做運動真係非常之痛苦,特別係我呢啲懶人之中嘅極品,但係經過今次減肥歷程,我發覺做運動係必須的!你可以調節做運動嘅方法或者時間,譬如話我只係做45分鐘嘅太空漫步或者單車機,因為跑步對我嚟講太傷我膝頭。」

小編好努力轆到2014年靚湯嘅IG都搵唔到有運動照,之前佢同高海寧做高空瑜伽都有點雞手鴨腳(IG:@roxannetong )
無做開運動試玩空中瑜伽又真係幾大挑戰嘅……(IG:@roxannetong )

細個嘅時候減肥睇磅數,但真係研究減肥就會知線條先係最緊要,因為肌肉係重過脂肪,但做運動增加肌肉線條靚咗,睇落會更瘦:「除咗帶氧運動之外,我亦都會做一啲短嘅肌肉鍛鍊,例如做50下SIT-UP同幾種唔同嘅平板支撐嚟鍛鍊返身材線條。因為其實都要針對返自己身材嘅問題,例如我想自己對大腿實啲或者PAT PAT可以蹺啲。」

【潮流日常】湯洛雯極速減十磅修身法公開 唔使戒口照食零食

靚湯好識揀衫會突顯優點遮蓋缺點(IG:@roxannetong)
靚湯好少分享泳照﹗(IG:@roxannetong)
+9