魔術師甄澤權成香港十大傑青 騷錢不增反減：因為多咗慈善工作
撰文：林迅景
出版：更新：
香港魔術師甄澤權（Louis Yan）榮獲成為2019年香港十大傑青，得知這個消息後，他更在海港城高級餐廳設宴7席與一班好友共聚。他接受《香港01》訪問時，對獲獎就表示非常榮幸：「10月知道自己獲獎，12月儀式就會舉行，希望到時會如期進行。」
恭喜晒甄澤權！（陳順禎攝）
說起獲獎的原因，他透露：「其實係一位女慈善家提名我嘅，本身佢都搵過我做好多年慈善工作，今年佢就話我知可以試下提名我。我細細個就聽過呢個獎，真係冇諗自己可以成為第一個魔術師身份攞到。」他又提起一件為他留下深刻印象的事：「我仲記得，最後一個面試嘅時候，評審佢哋仲要求咗我示範一個魔術，喺冇準備嘅情況我都成功咗。」
甄澤權（Louis Yan）是第一個成為香港十大傑青的魔術師。（陳順禎攝）
成為香港十大傑青之後，騷錢會否加價？他笑說：「反而係低咗！因為多咗慈善嘅工作搵我，因為大多數都係冇錢或者畀返車馬費。商場騷嘅話，其實呢幾月生意都係差咗啲，不過唔緊要，睇魔術最緊要大家開心，你請我我都盡量會去。」
好熱鬧。（陳順禎攝）