洪永城被黄翠如嘲Size短 女友梁諾妍霸氣回應：我哋開心幸福美滿
撰文：吳子生
出版：更新：
梁諾妍（Inez）今日（25/11）出席在銅鑼灣舉行醫學美容新店開張活動。Inez透露男友洪永城護膚甚有心得：「佢其實仲貪靚過我又好勤力護膚，每次佢屋企嘅Mask用晒之後，佢都會話畀我知用晒啦，要出去入買，一定要Keep住屋企一定要有存貨，其實佢啲護膚品我都有攞嚟用，咁所以用到差唔多冇，佢就會出去買，其實佢都幾細心㗎。」
Inez經常戶外做運動接觸陽光，她表示肌膚防曬一定做到足。（陳順禎攝）
提到台慶當晚，男友洪永城玩「真假遊戲」時被黄翠如取笑：「睇過佢全相，佢Size係手指尾咁短」。Inez笑言：「其實佢哋都係搞氣氛，當時睇到都覺得好好笑，其實都知佢哋兩個都認識咗好耐，連佢自己都唔會覺得有唔開心㗎，佢仲好大方同我講笑話：『唔真實嘅嘢有咩好嬲啫』，咁所以其實都冇咩嘢嘅。」（Size真係咁細？）Inez笑言：「唔係呀！總之我哋係開心，又美滿又幸福嘅！」
lnez大讚男友洪永城夠細心，會打理家頭細務。（陳順禎攝）
+1