【東華2019】郭子豪表演單輪單車項目搞到近下體生水泡:赤赤痛

撰文:吳子生
出版:更新:

郭子豪昨晚(28/11)出席在電視城舉行的《歡樂滿東華2019》項目排練,與一眾藝員苦練「單車疊羅漢」,準備在12月7日當晚為慈善表演籌款。子豪透露練習踩單輪單車導致起水泡:「因為架單輪車係要夾實個座位練平衡嘅,咁所以每次練習都會磨到近男性下體位置底下,咁所以練習第2日已經生咗啲水泡,到第三日練習我都頂硬上,點知啲水泡就爆咗,成個位置損晒,好鬼「赤赤痛」,個日搞到我係好似隻蟹咁,好「齖齰」咁走。」