【全民造星II】姜濤不介意MIRROR增加成員:大家都係為夢想付出!

撰文:葉詩
出版:更新:

MIRROR成員姜濤周三(4日)出席時尚雜誌周年慶祝活動,談到近日重投《全民造星II》競賽,作為上屆冠軍的他坦言背負着很多壓力:「你係冠軍,所以做啲咩大家都可能唔覺你做得好好,而做得好亦都係應該,都有少少因為咁唔開心,但我都知係我要付出嘅代價。」

姜濤曾向監製花姐(黃慧君)表示希望將舞台留予《造星II》的參賽者;他亦對於未能幫助到A2組的隊友而感到內疚:「吸收經驗,始終自己都係一個新人,仲有好多不足嘅地方;名義上我係前輩,但佢哋亦係我學習嘅對象,希望佢哋以後可以同我做隊友。」正因為一同經歷了《全民造星II》的比賽,姜濤又不介意與新一季的參賽者做隊友:「其實都有感情,同埋大家都係為咗夢想而付出,所以唔需要覺得抗拒同邊啲人做隊友。」

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

姜濤參與比賽的同時要兼顧工作很是忙碌,但他認為這個並不應是一個藉口,而自己亦會繼續努力改進表演上不足的地方。(梁碧玲攝)

《全民造星II》舉行專業大獎賽,冠軍由同為MIRROR成員的Anson Lo(盧瀚霆)奪得,姜濤並沒有因此不高興:「可能因為我同佢特別好朋友,佢第一季好遺憾冇參加30強,然後佢一直一直努力,今季入到十強,都好戥佢開心。」姜濤又談到MIRROR出道一年來,他們一起經歷了很多,所以更知道彼此付出了多少:「佢付出嘅嘢好值得攞第一!」

姜濤又不擔心將來與《全民造星II》的參賽者形成競爭關係, 皆因本身這一行已經存在很多競爭,所以一直都保持着危機意識。(梁碧玲攝)

《全民造星II》將在本月15日舉行總決賽,談到接班冠軍的心水人選,姜濤僅說希望大家都能取得好成績;一直以來都說看好Phoebus(吳啟洋)的他說:「但我唔想畀壓力佢,佢私下都有講咁樣好大壓力,所以順其自然啦,佢攞最後一名我都好開心。」除了一貫以來的選擇,姜濤又表示看好MC(張天賦):「大家都覺得MC唱歌好好聽,雖然唔係同佢同組,但佢唱歌真係好有水準,如果佢拎冠軍都係實至名歸。」

姜濤認為比賽正正是要在短時間內做好一個表演,而自己選擇以最擅長的跳唱方式來準備比賽。(梁碧玲攝)

姜濤近日發表第三首單曲《一天多一點》,他錯聽成《全民造星》開第三季當堂嚇一跳。他無懼網民的負評,希望大家多多提供意見:「大家如果有咩意見,喺評論區留言唔需要留情。」他又表示不會因為負評而不開心:「冇可能係冇負評,有負評代表有進步空間。」談到未來會否有單飛的計劃,姜濤說:「冇話單唔單飛,而係每個成員都會出自己嘅Solo,所以唔會用單飛呢個詞嚟形容,因為單飛係完全脫離團體,而MIRROR係一個大家庭,我哋唔會離開呢個大家庭,但會各自發展自己鍾意嘅嘢。」

+2