【多功能老婆】回應朱晨麗指控 洪永城澄清:係劇情需要!

撰文:林迅景
出版:更新:

無綫劇集《多功能老婆》中,洪永城和朱晨麗飾演一對恩愛夫妻,有不少觀眾都大讚他們演得自然,毫不做作,但原來朱晨麗對這次合作甚有不滿。日前劇集宣傳活動上,她更向記者坦言,拍攝期間被洪永城臨時加了攬腰、親吻等戲份,令她不太舒服。今日(21/12)洪永城接受《香港01》訪問時,就反指事件只是一場誤會,並澄清冇「抽水」,說:「我只係做返一個專業演員應該做嘅嘢。」

《01最賞睇娛樂大獎》即日起至12月24日接受投票喇,仲可以參加勁抽雙重獎,隨時贏旗艦手機11 Pro Max、Dyson風筒、01積分等,總值超過70萬元!

劇集中的畫面又唔似有問題。(劇照 / TVB《多功能老婆》)

洪永城又指報道出街後,朱晨麗有主動聯絡他:「可能佢講得唔係咁好,令大家誤會。其實噚日佢都有Message我,講唔好意思,佢可能誤導咗觀眾諗啲唔好嘅嘢,佢都同我講咗Sorry。我就話:『下次小心啲,唔好講呢啲詞語,因為好容易(令人誤會)。』大佬吖,呢啲犯法㗎嘛,不過我哋都係朋友嚟嘅。」他又坦承,拍攝時可能是自己比較進取而不自知:「可能會有啲動作上冒犯,但係大部份拍嘅場口,我哋全部都有溝通過。」

【多功能老婆】洪永城突加咀戲 朱晨麗表現專業:冇理由推開佢!

唔知洪永城返到屋企有冇俾女朋友扭耳仔呢?(葉志明攝)

他又補充說:「可能有動作令佢唔舒服,其實我喺現場都有同佢講唔好意思。」被問之後再與女藝員拍攝親密場面,會不會避忌一下?他回答說:「我都係一個專業演員嚟嘅,我都知咩係可以做,咩係唔可以做,我只係希望令每個場口生動、自然同好睇啲,令大家鍾意。我只係做返我一個專業演員應該做嘅嘢。」所以說,「做人老公甚艱難」,真是一點也沒錯。

+29