【麥路人】郭富城僅看故事大綱即接拍 :同小美講咩條件都要演

撰文:蒙曉盈
出版:更新:

黃慶勳執導,郭富城(Aaron)、楊千嬅、顧定軒主演之港產片《麥路人》今日(26日)舉行優先場,四人與著名影評人登陶大談《麥路人》 背後的故事,以及對電影的看法。郭富城好友星級排舞師Sunny Wong,還有潘源良均有現身支持。

郭富城在《麥路人》飾演因失誤鋃鐺入獄,重返社會後無法適應,最後無奈以快餐店為家成為「麥難民」的金融才俊阿博。Aaron透露接拍電影時正身處法國康城宣傳電影,Aaron僅看完故事大綱,便向經理人小美明言,無論任何條件都必定要接拍《麥路人》,除了支持香港電影外,亦認為電影的無家者主題反映現實:「我上網搵(麥難民資料),原來係全世界嘅無家者唔係淨係住喺橋底,或者喺公園露宿,而係入熟悉嘅麥當勞裏面生活......睇到呢個劇本,加上我係香港演員,如果可以喺呢部電影做出發點,令全世界都有共鳴,我覺得好值得去幫助。」

郭富城、楊千嬅、顧定軒、導演黃慶勳與影評人登徒大談拍攝《麥路人》的故事。(梁碧玲攝)

Aaron又表示一直以來支持香港新導演,拍攝時「無怨無侮去幫助」,例如拍攝前爭取圍讀,分析和討論劇本,就位時便能減輕導演的壓力,剪接時亦對黃慶勳給予不少意見。Aaron對黃慶勳有讚冇彈:「佢唔係好似新導演咁覺得『我想點就點』,而係聆聽、消化同感受有經驗嘅演員覺得剪完出嚟之後,有咩地方會(變得)更加好,加上阿瑞(監製鄭保瑞)睇住,呢位新導演會有好高嘅分數。」

郭富城有感《麥路人》故事反映全球社會問題,因此只看了故事大綱就決定出演。(梁碧玲攝)

至於楊千嬅則飾演歌手秋紅,過往曾仰慕阿博,但兩個落難人卻在快餐店重聚,兩人的互動自然是電影焦點之一。問到如何面對逆境,楊千嬅意有所指:「逆境係需要耐性同時間去解決。」、「因為我唔可以純粹用自己感覺個人地生活,我係要成就背後嘅團隊,同我一齊做嘢嘅拍檔重要嘅事情,咁我就要放棄自己嘅諗法,好好將呢件事做好佢,謹守自己嘅崗位,因為作為演出者,我可以將正能量發放出去嘅時候,某程度上可以調節大家心理質素好啲,呢樣已經係一個好嘅開始。」

未知楊千嬅的「逆境論」是否意有所指?(梁碧玲攝)
+4