【家有囍事2020】又係你呀黃生? 預告自嘲︰悶唔悶啲呀冇啲創意

撰文:許育民
出版:更新:

來年賀歲可謂又陷入一場激戰,繼黃子華的《乜代宗師》,李璨琛投資做埋監製的《大盜演》外,每年都有一部參戰的黃百鳴,今年繼續帶來《家有囍事》系列《家有囍事2020》,而且仲會親自落場,跟張智霖、張繼聰演三兄弟角色,加埋周秀娜及DaDa陳靜,以及大堆耳熟能詳的香港搞笑演員,唔知做唔做到「囍」出望外。

黃百鳴繼續參與演出,今次做老千。(《家有囍事2020》劇照)

《家有囍事2020》,故事圍繞著三兄弟,表面是尋常人家,實際為精通千術的業餘俠盜;機緣巧合下,三兄弟遇上了老千兩姊妹,大家惺惺相惜,聯手用魔術、千術等方法,將作惡多端的黑幫頭目譚耀文繩之於法。身為導演兼演員黃百鳴說:「故事很多橋段都係意想不到,有千術、賭術、魔術,娛樂性好豐富,笑之餘亦有溫情。」不過預告都不忘自嘲一番,當眾人一齊唱︰「齊歡唱……」時,譚耀文便爆一句︰「悶唔悶啲呀?冇啲創意!」實行要笑人先要笑自己。

這幕經典如果咁都睇唔出係嚟自邊套經典,我會對你好失望。(《家有囍事2020》劇照)
+1

預告中可見,張繼聰係最搏盡一個亦是戲中搞笑來源,其中一幕中槍及「露鵰」戲都見喜感。而負責耍帥的張智霖,坦言聽到《家有囍事》四字已經充滿歡樂︰「這是賀歲金漆招牌,加上確認有張繼聰參與,大家就都有共識,拍多啲歡樂俾大家。」至於女主角方面,周秀娜今次會同陳靜做兩姊妹︰「佢賣腦我賣力。而戲中一幕大露背都係因應劇情、唔刻意,拍嘅時候亦清場做足安全措施,唯一困難,係點樣打住但要捲得條毛巾靚。」

近年收起性感的周秀娜,今次為了一場動作不介意以大露背、只穿底褲示人。(《家有囍事2020》劇照)

你可能感興趣