武打女星楊柳青打到傷患纏身 苦不堪言：搭飛機個膝頭會好痛
撰文：吳子生
出版：更新：
楊柳青（Wiyona）今日（28/12）現身尖沙咀出席自己有份主演的動作電影首映禮。Wiyona透露這套電影期待了兩年多時間，今日終於面世心情超興奮：「其實呢部電影拍攝用咗二十多日時間去完成，但就等咗好耐都未知幾時上映，呢段期間大家心情都比較忐忑。」
Wiyona拍武打戲導致周身傷，每逢翻風落雨舊患復發，叫苦連天。（陳志嵐攝）
此外，Wiyona直言選擇行武打女星之路十分艱苦，少不免都會打到周身傷，每逢翻風落雨舊患復發：「我條肋骨之前受過傷，如果撞到嗰個位又或者大力吸氣，個胸口會覺得有支骨插住咁樣係好辛苦，亦試過搭飛機嘅時候，膝頭會好痛，不過我要選擇行呢條路我就預咗，惟為盡量做足安全措施，保護自己唔好俾自己受傷。」
Wiyona直言自己選擇行打女路線，明白少不免都會有受傷機會。（陳志嵐攝）