錢嘉樂舞台劇十場減至六場 願香港人可放鬆兩小時
撰文：賴家杰
出版：更新：
由錢嘉樂主演的舞台劇《今晚打老虎》在今個星期五（10日）進行第一場的公演。原本舞台劇是10場，但由於受社會運動影響減了4場。演員在採排時候也感受到壓力，嘉樂說：「我哋曾經諗過完唔完成佢，要多謝林建明博士。我哋都有開會，採排咗先，點都好，盡心盡力採排咗先。最後林博士都話照演六場。」
售票方面嘉樂透露比之前好了很多，但沒有詳細說是否爆滿。（梁碧玲攝）
嘉樂做這個舞台劇很簡單，坦言只有一個任務：「我首要任務係帶歡樂俾香港人，香港人一定要開開心心，希望過年前大家有兩個鐘忘記所有煩惱，笑一餐飽先過年啦！希望將我哋嘅熱誠帶畀香港觀眾。」
嘉樂笑言以為自己會緊張，但原來就快公演不會太緊張。（梁碧玲攝）
談到演舞台劇嘉樂雖然沒有緊張感覺，但是相當大壓力，因為家中的女兒會到場觀看，「上次女兒睇我表演已經係6年前《友情歲月演唱會》，當時佢1歲唔識，依家7歲識諗嘢。細女都4歲又係識諗嘢，加埋老婆嚟，所以要做到最好畀觀塘再加呢三個特別觀眾。」