【萬千星輝2019】何雁詩着「婚紗」行紅地氈 鄭俊弘:佢冇問過我

撰文:趙允琳
出版:更新:

於2020年第一日宣布婚訊的鄭俊弘(Fred)和何雁詩(Stephanie),今晚(12日)首次以未婚夫妻身份出席《萬千星輝頒奬典禮2019》。提到Stephanie以一身性感低胸白色晚裝出席,問他有否取得Fred的批准?Fred笑言:「我有見過呢條裙,但係佢就冇問過我,淨係show畀我睇,但係好靚!」

Stephanie表示這條裙本來影婚紗相時穿的,因為覺得太可惜所以特意於今日穿給大家看。(葉志明攝)

Stephanie雖然影婚紗相時大露性感,不過她坦然結婚當晚必定會着得密實:「Wedding我想着樽領或者長袖衫為主,始終big day有好多長輩喺度,應該莊重少少嘅!」

不過呢對未婚夫妻今日就冇一齊行紅地氈!(葉志明攝)

Stephanie透露求婚當晚的細節:「其實好簡單,佢有啲口吃,又口窒窒,不過真係好切合佢嘅性格,好cute但都好真誠,我冇諗過佢準備咁多驚喜畀我,因為我一直都好懷疑佢呃唔呃到我,估唔到佢做到!」Fred憶述當時在Stephanie的家人和朋友面前求婚真的很緊張:「我嗰陣手震,仲緊張過上台唱歌!講個啲說話依家我都好模糊!」

Stephanie笑言看回求婚當日的片段覺得很有趣,有機會會放上社交網站與大家分享。(梁碧玲攝)