【萬千星輝2019】周柏豪奪最受歡迎男角色 暖男Oppa攻陷萬千少女

撰文:董欣琪
出版:更新:

TVB《萬千星輝頒獎禮2019》今晚(12日)隆重舉行,周柏豪憑《讓愛高飛》獲得「最受歡迎電視歌曲」後,再下一城!他憑台慶劇《多功能老婆》中的榮浩田一角奪得「最受歡迎男角色」!獎項由三位曾奪得視后的唐詩詠、李佳芯同胡定欣頒發。

周柏豪憑台慶劇《多功能老婆》中的榮浩田一角奪得「最受歡迎男角色」!(電視截圖)

柏豪再上台發表得獎感言時,都表現驚訝:「空白一片,多謝觀眾,因為冇觀眾欣賞係唔會……之前冇試過呢個感覺。要多謝入行十幾年嚟幫過我嘅任何人,頭先其實好緊張,我唔知講咩,但係好開心大家喜愛呢個角色。一開頭我對自己演呢個角色冇乜信心,係寶華姐畀咗好大嘅信心我,同我講『你得嘅,你可以㗎周柏豪,我睇過你啲嘢你嘅節奏係可以㗎,你去做啦。』不斷去試,最後得到呢個獎,佢係最大最大嘅功勞。」

恭喜柏豪!(電視截圖)
+7

柏豪在《多功能老婆》中飾演榮浩田,憑藉暖男Oppa的形象俘虜不少粉絲。劇中浩田處處維護藍飛(楊千嬅飾),為她遮風擋雨,尤其是一場場表白的戲份,句句對白都超肉麻,令觀眾睇到好「骨痹」!他在劇中更講過不少冧女金句,Sweet到漏!

柏豪在《多功能老婆》中飾演榮浩田,憑藉暖男Oppa的形象俘虜不少粉絲。(劇照)
+26