傳聞月入9萬蚊？ 「爆騷王」譚玉瑛：啲人成日都話我騷錢好貴！
撰文：吳子生
出版：更新：
譚玉瑛（阿譚）今日（13/1）以健康藝人得獎嘉賓出席在尖沙咀舉行的《香港健康產業年度大獎》盛會。阿譚笑言：「相信任何人有獎攞都會好開心，大會頒呢個獎俾我，可能佢哋認同我健康生活方式，不過啲人成日問我點養生，我自己就每晚食飯嘅時候都會飲下酒，我覺得飲酒係我生活上一個點子，喺生活上係一種享受，不過千其唔好醉酒。」
譚玉瑛透露與無綫藝員合約一年後屆滿。（梁碧玲攝）
譚玉瑛1982年擔任起無綫兒童節目《430穿梭機》的主持人，之後一直留在兒童節目組，2014年無綫進行節目改革時，盛傳阿譚出鏡頻繁出鏡費高昂，月入高達9萬，被封「爆騷王」，最終她被逼離開《放學ICU》。提到與無綫藝員合約何時屆滿？阿譚直言還有一年：「如果問我一年後會唔會再續約，時間仲有咁耐好無謂，因為呢個世界咩都會變，啲人成日都話我騷錢好貴，我都希望啲人講嘅嘢係啱，但可惜⋯⋯我又唔方便話俾你聽，我宜家做《阿爺廚房》主持都好開心。」
譚玉瑛與李日朗出席《香港健康產業大獎》盛會，獲頒健康藝人獎。（梁碧玲攝）