【萬千星輝2019】成日着貼身低胸晚裝 高海寧：因為身型比較高大
撰文：林迅景
出版：更新：
高海寧日前（12/01）以一襲雪白色低胸露背晚裝出席《萬千星輝頒獎典禮2019》，簡直艷壓全場，「謀殺不少菲林」！高海寧接受《香港01》訪問時，就直言對這套晚裝一見鍾情。
高海寧好靚吖。（林迅景攝）
高海寧：「呢件衫同珠寶都係Stylist幫我揀嘅。佢Send咗啲相畀我相之後，我就『嘩，好靚』，跟住去做Fitting又啱身，就決定係呢套，好似個天已經準備畀我咁，好開心！我本身都係鍾意簡單剪裁，因為我身形比較...（高啲？）高大！總之我唔可以着啲太複雜嘅款式，所以我通常都揀啲貼身簡單嘅。」覺得自己性感嗎？她反問記者：「係比平時性感，不過靚唔靚先？」
高海寧以一襲雪白色低胸露背晚裝出席《萬千星輝頒獎典禮2019》。（林迅景攝）