【天天開運王】黎諾懿整蘿蔔糕三百底贈親朋：忙到唔得閒見個仔！
撰文：吳子生
出版：更新：
一向有意追女的黎諾懿，直言年頭很忙，連想生女的意欲都銳減。（陳順禎攝）
黎諾懿今日（16/1）現身電視城出席無綫《天天開運王》記者會。諾懿透露早前一家三口到泰國旅行，期間囝囝與太太疑食物中毒，相繼出現痾嘔情況，事後經醫生診斷食藥後並無大礙。諾懿笑言：「嗰7日喺泰國我都好攰，要照顧佢哋兩個，所以我同佢哋講，今個新年就留喺香港過，好好休息，況且我又要搞蘿蔔糕啲嘢，仲要整成三百底蘿蔔糕送俾朋友，都真係好忙，連個仔都冇時間見，個心都好對佢唔住。」
黎諾懿與一眾《天天開運王》節目主持人及嘉賓大合照。（陳順禎攝）
+3