【多圖】溫碧霞仙氣Look襲巴黎　即被法國導演「睇中」邀請拍戲

「不老女神」溫碧霞（Irene）放完大假回港後，隨即開工。她日前又飛往巴黎，出席婚紗晚裝品牌之邀欣賞時裝秀，品牌更為Irene度身挑選了一襲簡約而仙氣十足的透視薄紗晚裝，與 Irene溫柔中帶硬朗的氣質配合得天衣無縫，在場搶盡鏡頭兼吸睛，不單止引來現場賓客目光，就連法國導演也一眼睇中香港女神Irene邀請到法國拍攝新片。

被法國導演「一見鍾情」邀請拍戲，Irene開心說：「係呀，呢位法國導演想開拍一部講述一位中國女仔在法國遇到的故事，佢想邀請我演呢位中國女仔，佢話我好啱呢個角色。（妳答應咗未？）呢個交畀經理人去傾，最緊要睇吓劇本，不過都好開心，每次到法國都好似好幸運，次次嚟法國都聽當地人講前幾日仲落緊雨，但我到埗就停雨，仲陽光普照，今次又係咁，所以好開心天氣好，陽光又好，仲遇到法國導演邀請拍戲，唔理成唔成功已經好開心。」